အရိုးခိုက်အောင်ချမ်းတဲ့ ဂျပန်ဆောင်းရောက်တော့...
ချွေးတပြိုက်ပြိုက်ကျအောင်ပူတဲ့ မြန်မာပြည်ကိုလွမ်းမိပြန်တယ်.....
ချမ်းလွန်းလို့ Heater ဖွင့်ပြီးအိပ်ရတဲ့ ဒီအချိန်တွေမှာ....
ပူလွန်းလို့ Aircon ဖွင့်ပြီးအိပ်နေစဉ်... အမိမြေမှာ.... ရုတ်တရက်မီးပြတ်သွားတော့ ....
ဖျာကိုဆွဲ အောက်ထပ်ကိုပြေးပြီး..
သံမန်သလင်းပေါ်မှာ ဖျာခင်းပြီးအိပ်ခဲ့ရတဲ့နေ့လေးတွေကို သတိရမိပြန်ရော.....
ဆောင်းရာသီမှာ ရေကန်အပြည့်ရေနွေးထည့်ပြီး...
ရေပူစိမ်တဲ့ အချိန်ရောက်လေတော့....
သြော်..တို့မြန်ပြည်မှာ မီးပြတ်ရင် ရေမလာလို့ ရေအေးအေးလေးကို မလောက်မငချိုးရတဲ့ ဘ၀လေးကို လွမ်းမိပြန်လေရဲ့......
မနက်စောစောအိပ်ရာထရင် မုန့်ဟင်းခါးစားမလား....
အုန်းနို့ခေါက်ဆွဲစားမလား...
ရှမ်းခေါက်ဆွဲစားမလား ....
ဒင်ဆမ်းစားမလား.....
အီကြာကွေးနဲ့ နံပြားထောပတ်သုတ်လေးပဲစားမလား....
“၀မ်းတီး ချိုဆိမ့်”အော်မှာပြီးသောက်မလား.....
စားစရာတွေ ၊သောက်စရာတွေ တို့မြန်ပြည်ရဲ့လမ်းဘေးဆိုင်တွေမှာအပြည့်ရှိပေမယ့်.....
ဒီမှာတော့ ၂၄ နာရီအပြည့်ဖွင့်တတ်တဲ့ ပေါ့ရွှတ်ရွှတ်ဆိုင်တချို့ကလွဲရင်....
မနက်ဆိုရင် ၁၀နာရီထိုးမှစားသောက်ဆိုင်တွေဖွင့်တတ်ကြတော့......
သနားမိပါတယ်...ကိုယ့်ကိုယ်ကို.......
လွမ်းမိပြန်တယ် အမိမြေကို...... ********
(ဒီမနက်စိတ်ကူးပေါက်လို့ ကောက်ရေးလိုက်မိပါတယ်...
ကဗျာလဲ မဟုတ်..စာလဲမဟုတ်ပေါ့....ဘာကိုမှန်းမသိဘူး စိတ်မအီမလည်ဖြစ်နေလို့....စိတ်ထွက်ပေါက်ရှာလိုက်တာပါ...
ဘာပဲဖြစ်ဖြစ် စိတ်ထဲတော့ နည်းနည်းပေါ့သွားတာအမှန်ပါပဲ....)
ဖတ်ပေးလို့ ကျေးဇူးအနန္တပါ....
လေးစားခင်မင်လျှက်
ဝါ၀ါခိုင်မင်း
1 Comment Add this link to... Bury
This site is a collection of Myanmar News and Blogs from Myanmar Society.
Comments