ဒီသုတေသနအရ BMI ပုံမှန် (normal) ရှိတဲ့သူတွေဟာ ခါးလည်းပုံမှန်ဘဲဆိုတာတွေ့ရပါတယ်တဲ့။ BMI များပြီး အ၀လွန်အဆင့်ရောက်နေတဲ့သူတွေ (overweight and obese) ဟာ၊ ခါးလည်းတုတ်လာကြပါတယ်တဲ့။ ဒါကြောင့် ခါးကိုတိုင်းကြည့်လိုက်ရင် အ၀လွန်နေပြီလား၊ ပုံမှန်ကျန်းမာတဲ့ကိုယ်ခန္ဓာလားဆိုတာခန့်မှန်းလို့ရတယ်လို့ဆိုပါတယ်။
အ၀လွန်တဲ့သူတွေမှာ အဆီတွေကိုယ်ခန္ဓာထဲမှာစုပုံလာပြီး၊ သွေးတိုးရောဂါ၊ နှလုံးရောဂါ၊ ဆီးချိုရောဂါတို့ဖြစ်နိုင်ပါတယ်။ အ၀လွန်လာတဲ့အခါ ဗိုက်၊ခါး၊တင်ပါးနဲ့ပေါင်တွေမှာအဆီတွေစုပုံလာပါတယ်။ ဗိုက်မှာစုတဲ့အဆီကပိုပြီးကျန်းမာရေးထိခိုက်မှုနဲ့ဆက်စပ်မှုရှိတယ်လို့ဆိုပါတယ်။ ဒါကြောင့် ခါးအတိုင်းအတာနဲ့တင်ပါးအတိုင်းအတာအချိုး (waist to hip ratio)ကလည်းအရေးကြီးတဲ့ ကိန်းဂဏန်းဖြစ်ပါတယ်တဲ့။ အမျိုးသားတွေအတွက် ပုံမှန် waist to hip ratio က ၁ ဖြစ်ပြီး၊ အမျိုးသမီးတွေက ၀.၈၅ ပါ။ ကဲ..ကဲ.. ပေကြိုးရှိတဲ့သူတွေတိုင်းပြီး အချိုးချကြည့်ကြရအောင်။ နောက်သုတေသနတစ်ခုကဥရောပမှာ၁၀နှစ်အတွင်းလူတစ်သောင်းကျော်ကို ခါးအတိုင်းအတာတိုင်းထားပြီး၊ ကျန်းမာရေးနဲ့ဘယ်လောက်ဆက်စပ်မှုရှိတယ်ဆိုတာကိုကြည့်တဲ့သုတေသနပါ။

ဗိုက်အဆီများတဲ့အမျိုးသားတွေဟာပုံမှန်တွေထက် ၂.၀၅ဆပိုပြီးသေနှုန်းမြင့်တယ်ဆိုတာတွေ့ရပြီး အမျိုးသမီးဆိုရင်တော့၊ ၁.၇၈ဆပိုများပါတယ်တဲ့။ waist to hip ratio မြင့်တဲ့သူတွေမှာလည်း သေနှုန်းက အမျိုးသားမှာ ၁.၆၈ ဆနဲ့အမျိုးသမီးမှာ ၁.၅၂ ဆပိုမြင့်ပါတယ်တဲ့။ ခါး၅စင်တီမီတာပိုတုတ်လာတိုင်း၊ အချိန်မတိုင်မီသေနိုင်ခြေ ၁၇%(အမျိုးသား)နဲ့ ၁၃%(အမျိုးသမီး) ပိုလာတယ်လို့ဆိုပါတယ်။

ဟဟ. အဲဒါကြောင့် မောင်ဇင်ယော်လေး ကို စေတနာထားပြီး ဗိုက်အဆီချပေးမိတာပါကွယ်။ ကိုယ့်အစ်မ က စေတနာနဲ့ ဗိုက်အဆီချပြီးကစားခိုင်းတာ အပြစ်မယူပါနဲ့ စိတ်မဆိုးပါနဲ့နော်.အဟီးး


Ref: Growing waistline poses weighty risk to health
Your Waistline Can Tell You a Lot About Your Health Risk